MOIRA CAPITALek, kapital pribatuko inbertsio-enpresak, eta INBERGUNE euskal kudeatzaileak, CIMICOren ehuneko 30 erosi dute. Enpresa honek hondakin-uren tratamendu biologikorako soluzio bioteknologikoen berrikuntza gidatzen ari da, bai hiri-inguruneetarako, bai industria-inguruneetarako.
Eragiketa 7 milioi €-ko kapital-gehikuntzaren bidez egingo da, eta oso-osorik nazioko eta nazioarteko negozio-plan handinahi bat finantzatzeko erabiliko da. Horren barruan dago I+G+b arloan inbertsio handia eta etengabea egitea, soluzio bioteknologiko berrien garapenean abangoardian jarraitzeko, eta horri Cimicok garatutako 5 teknologia berriren benetako hondakin-uren eskalatze industrialerako finantzaketa gehitu behar zaio. Gainera, nazioko eta nazioarteko merkataritza-egiturari bultzada bat ematea aurreikusita dago, eta, azkenik, egungo taldea indartzeko eta osatzeko funtsezko profesionalak sartzea.
2019an sortu zuen Luis Larrea Urcolak, hondakin uren tratamendu biologikoari eta mantenugaien ezabaketari aplikatutako bioteknologien arloan 40 urtetik gorako esperientzia duen zientzialariak. CIMICO gai da bezero eta araztegi bakoitzaren behar espezifikoetara hobekien egokitzen den irtenbidea neurrira diseinatzeko, hainbat teknologia jabe eta zerbitzu tekniko biologiko osoa eskainiz. Gaur egun, CIMICOk, konpainiako CEO den Inés Larrearen gidaritzapean, bezero publikoak ditu, hala nola Emasesa (Sevillako Ur Hornidura eta Saneamenduko Metropoli Enpresa), baita pribatuak ere, besteak beste, Facsa, ura kudeatzeko enpresa, 260 araztegi dituena eta 13 autonomia erkidegotan dagoena; Papresa, Euskal Autonomia Erkidegoko paper-fabrikatzailea; edo Aquatech, munduko liderra ura arazteko eta industriarako hondakin-urak tratatzeko sistemetan.
Bezeroei zerbitzurik onena eskaintzeko asmoz, CIMICOk FILMATH sortu du, bere simulazio-sistema propioa, munduan bakarra eta biofilma duten teknologietarako espezifikoa eta balidatua. Horri esker, Hondakin Uren Araztegi (HUA) baten benetako funtzionamendua simulatzen da, eta, horrela, haren dimentsionamendua optimizatzen da, edozein eskakizun betetzen dela bermatuz, bai eta aurrezpen handiak ere.
CIMICOk erreferentzia bihurtu nahi du HUAen eraldaketa digitalean, non sektorea murgilduta dagoen, tratamendu biologikoaren kontrol automatikoen inguruan duen esperientziari esker. Horretarako, datu handietan eta IAn oinarritutako soluzio digitalak garatzen ari da, HUAek modu prediktiboan jardun ahal izan dezaten (feedforward controls). Helburu horiekin, Espainiako HUA oso baten lehen biki digitala lantzen ari da.
Moira Capitaleko presidente Javier Loizagarentzat, “irmoki uste dugu CIMICO inbertsio-aukera paregabea dela hondakin-uren tratamenduaren sektore erakargarrian, know-how tekniko altu bati eta teknologia disruptibo erabat bereizgarrien garapenari esker, hazkunde eta eraldaketa betean dagoen merkatu global batean lan eginez.”
Moirak eta Inbergunek elkarrekin egindako bigarren eragiketa da, 2022ko uztailean hazkunde potentzial handiko euskal konpainiak elkarrekin bultzatzeko sinatutako aliantza estrategikoaren ondoren. Orduan, Moira Capitalek Inberguneren ehuneko 60 erosi zuen, eta 12 milioiko lehen inbertsioa egin zuen industria- eta hiri-hondakinak gasifikatzeko proiektuak garatzen laguntzeko, GreenE konpainiaren bidez (Moirak parte hartzen du konpainia horretan).
Operazio honetan, Moirak eta Imbergunek King & Wood Mallesons abokatu bulegoaren aholkularitza izan dute, eta Cimicok Lawesome enpresa legalarena. EYren Strategy and Transactions eremuak aholkua eman du operazioan.
Ur-hornidura bermatzea
Biztanleriaren etengabeko hazkundeak eta urbanizazioak, industrializazio azkarrak eta elikagaien ekoizpenak presio handia eragiten dute baliabide hidrikoen gainean, eta horri gehitu behar zaio ur kutsatuen gero eta isurketa handiagoa, osasunerako mundu mailako mehatxua. Hondakin-uren tratamendua funtsezko urratsa da uraren hiri-zikloan, berrerabilpena eta ingurumenera segurtasunez isurtzea bermatzeko. Ikerketa askoren arabera, uraren eskaria ezin izango da bete inbertsio eta berrikuntza ahalegin handirik gabe, hondakin urak tratatzeko egungo ahalmena handitzeko.
“Gure helburua da abangoardian mantentzea soluzio bioteknologiko berrien garapenean, HUAak energia ekoizteko eta hondakinak balioztatzeko zentro, energetikoki neutroak, bihurtzeko, eta, aldi berean, ura berrerabiltzea eta lehengaiak ekoiztea ahalbidetzeko, HUAak EcoFactorias bihurtu direlarik”, adierazi du Luis Larreak, CIMICOren sortzaileak.
Horrez gain, hondakin-uren derrigorrezko tratamenduari buruzko erregulazioak gero eta zorrotzagoak dira. Europan, adibidez, gaur egun indarrean dagoen 1991ko Zuzentaraua zaharkituta dago, eta 2022ko urrian argitaratutako 91/271/EEE Zuzentarau berriak ordezkatuko du. Zuzentarau hori baliozkotze-prozesuan dago, eta arazketa-eskakizunak nabarmen gogortzea ekarriko du baldintza berriei, mikrokutsatzaileei, populazio txikiagoetara hedatzeari, neutraltasun energetikoari eta ekonomia zirkularrari dagokienez. Horren guztiaren ondorioz, makina bat instalazio eguneratu beharko dira, eta zuzentarau berriak zaharkitu egingo ditu. Gainera, paradigma-aldaketa bati aurre egin beharko zaio, opex eta capexaren kontsumoari dagokionez irtenbide bioteknologiko eraginkorragoak beharko dituena, eta instalazioen jasangarritasun energetikoa, hondakinen balorizazioa eta uraren berrerabilera ahalbidetuko dituena.
Inberguneko Xabier Urtizbereak dioenez, “hondakin-uren tratamenduko sektorean aldaketa garrantzitsuak gertatzen ari dira, eta horien artean nabarmentzekoa da 91/271/EEE Zuzentarau Berriaren erregulazio-aldaketa. Horren ondorioz, sektoreko inbertsioa nabarmen handituko da, egungo instalazioak birmoldatu eta handituz.”
MOIRA KAPITAL PARTNERS-I buruz
Moira Capital Partners, Javier Loizagaren gidaritzapean, Kapital Pribatuko lehen inbertsio enpresa da, Espainiako konpainia berritzaileetan zuzeneko inbertsioetan espezializatua, inbertitzaile europar, pribatu eta instituzionalentzako itzulera handia lortu nahi duena. Sei urtean, Moirak 200 milioi euro baino gehiago konprometitu ditu Espainiako 15 konpainia berritzaileren hazkunde handiko proiektuak bultzatzeko, besteak beste: IEQSY energia-eraginkortasuna hobetzeko teknologia; Biorizon, mikroalgen ongarri biologikoen konpainia; Cella Medical Solutions, kirurgia konplexuetarako soluzio teknologikoetan liderra; Voovio, prozesuen industriari aplikatutako simulazio eta errealitate birtualeko konpainia; GOI, Espainiako lehen operadore logistikoa, tamaina handiko salgaien garraioan, muntaian eta instalazioan soilik bideratua;, koipe osasungarrietan aitzindariak; Bioflytech, arrainak eta pet-ak elikatzeko intsektuen proteina eta koipea ekoizten eta merkaturatzen aitzindariak; eta Greene, hondakinak balorizatzeko gasifikazio-teknologia.
INBERGUNE CAPITAL PARTNERS-i buruz
Inbergune Capital Partners hazkunde-potentzial handia duten konpainien epe ertain eta luzerako eraldaketa- eta hazkunde-proiektuetan espezializatutako euskal kudeatzailea da. Haren ikuspegi diferentzialak inbertitzaile nazional, pribatu eta instituzionalentzako inbertsioaren itzulkin handiak lortzea ahalbidetzen du. Moira Capital Partners bere akziodunetan sartu eta Greene-n inbertitu ondoren, CIMICO izango da bere bigarren eragiketa.
